WANAFUNZI WALIOKUMBWA NA MAFURIKO MWAKATA KAHAMA WAHUDHURIA MASOMO BILA SARE YA SHULE

UNAWEZA KUJIUNGA NASI HAPA MOJA KWA MOJA ..Bofya HAPA ULIKE PAGE YETU!..

Imeelezwa kuwa nusu ya wanafunzi wanaosoma katika shule ya msingi Mwakata Wilayani Kahama Mkoani Shinyanga wameshindwa kuhudhuria masomo yao kutokana na wengi wao kuwa hana sare za shule kutokana na kuharibiwa na mvua ya mawe iliyonyesha machi 3 mwaka huu.

Wanafunzi hao wameshindwa kufika shuleni licha ya jamii kutangaziwa kuwahimiza wanafunzi wahudhuria masomo baada ya kusitishwa kwa muda kutokana na kutokea kwa maafa yaliyosababishwa na mvua ya mawe.

Akizungumza na Nipashe ofisini kwake Mwalimu Mkuu wa shule ya msingi Mwakata, Iddi Ginila alisema shule hiyo ina jumla ya wanafunzi 736 ambapo waliohudhuria masomo kuanzia jumatatu na jumanne ni zaidi ya 340, huku wanafunzi 53 wakihudhuria masomo bila sare za shule.

Alisema wanafunzi ambao hawajahudhuria masomo sababu kubwa imetajwa kuwa hawana sare za shule kutokana na makazi yao kusombwa na maji, huku wengine wakiwa familia zao zikihangaikia makazi.

Hata hivyo alisema tayari wamefanya ugawaji wa madaftari kwa wanafunzi waliohudhuria ambapo kila mwanafunzi amepewa Madaftari 9 na zilizobaki zitatolewa kwa wanafunzi ambao bado hawajahudhuria masomo.

Marrynasi Rafael ambaye ni mwalimu wa shule hiyo alipongeza juhudi za serikali kwa kurejesha masomo kwani changamoto kubwa ilikuwa ni kwa wanafunzi wa darasa la nne na darasa la saba ambao wanakabiliwa na mitihani ya taifa.

Nao baadhi ya wanafunzi waliozungumza na Nipashe wamefurahia kuanza kwa masomo huku wakiwataka wanafunzi wenzao kufika shuleni kuendelea na masomo.

www.ndalike.blogspot.com