MAIGE AKABIDHI MASHINE YA KUDURUFU KARATASI SHULE YA SEKONDARI MWALIMU NYERERE KAHAMA

UNAWEZA KUJIUNGA NASI HAPA MOJA KWA MOJA ..Bofya HAPA ULIKE PAGE YETU!..

Mbunge wa jimbo la Msalala wilayani Kahama mkoani Shinyanga Ezekiel Maige ametoa mashine ya kudurufu karatasi kwa shule ya sekondari Mwalimu Nyerere iliyopo Kata ya Segese ili kusaidia uchapishaji wa mitihani wa wanafunzi kufanyika shuleni hapo.

Akizungumza wakati wa kukabidhi mashine hiyo mbele ya viongozi wa Kata hiyo, wazazi, walimu,na wanafunzi Maige alisema mashine hiyo ni ahadi aliyoahidi wakati wa mahafari ya kidato cha nne mwaka jana shuleni hapo huku gharama ya kifaa hicho kikiwa ni shilingi milioni 5.

Alisema aliamua kuahidi na kutoa msaada huo kutokana na kuwepo kwa changamoto kubwa ya uchapishaji wa mitihani kwa licha ya kwamba shule hiyo ina umeme unaotumia nishati ya Juan a kwamba walimu na wanafunzi waitunze mashine hiyo ili iweze kudumu na kuwasaidia katika kuarahisisha kazi zao.

Katika hatua nyingine Maige aliwapongeza wazazi na walezi wa wanafunzi wa shule hiyo kwa jitihada wanazozionesha katika kuboresha miundombinu ya shule hiyo hali ambayo imesabaisha kuendelea kuinua kiwango cha elimu katika shule hiyo ambapo katika miaka ya hivi karibuni ni miongoni mwa shule zinazofanya vizuri kwa upande wa taalum mkoani Shinyanga.

Kwa upande wake mkuu wa shule hiyo Peter Kweba alisema mashine hiyo itasaidia kupunguza makali ya matumizi ya fedha kwa shule hiyo kwani awali walikuwa wakitumia zaidi ya shilingi milioni 12 kwa mwaka ambapo kila mtihani walikuwa wakitumia zadi ya shilingi milioni 3 kudurufu mitihani.

Aidha baadhi ya wazazi na wanafunzi walimpongeza Mbunge Maige kwa kuzidi kujali wananchi wa jimbo la Msalala katika sekta zote ambapo wakizungumzia msaada huo walisema imepunguza usumbufu wa michango iliyokuwa ikitolewa kwa ajili ya uchapishaji wa mitihani.

www.ndalike.blogspot.com